Thane News : साऱ्या लोकांनी शोधलं, पण नशिबात काही वेगळंच होतं; बेपत्ता तरुणाबाबत उघड झाला भयंकर प्रकार
Last Updated:
Accidental Death Due To Fall Into Well : ठाण्यातील तुरपेपाडा परिसरात विहिरीतून पाणी काढताना तोल गेल्याने 20 वर्षीय तरुणाचा बुडून मृत्यू झाला. कासारवडवली पोलिस ठाण्यात आकस्मिक मृत्यूची नोंद करण्यात आली आहे.
ठाणे : ठाणेमधील एका परिसरात विहिरीतून पाणी काढताना तोल गेल्याने तरुणाचा बुडून मृत्यू झाल्याची दुर्दैवी घटना घडली आहे. शशीकुमार नाकोडी (वय 20)असे मृत तरुणाचे नाव असून ही घटना रविवारी पहाटे सुमारे 2 वाजण्याच्या सुमारास उघडकीस आली.
पाणी काढताना पाय घसरला अन् घात झाला
मिळालेल्या माहितीनुसार,शशीकुमार 17 जानेवारी रोजी घरासाठी पाणी आणण्यासाठी विहिरीजवळ गेला होता. त्याने आधी एक बादली पाणी काढून घरी नेले. त्यानंतर पुन्हा पाणी काढण्यासाठी तो विहिरीकडे गेला. मात्र, बराच वेळ झाला तरी तो घरी परतला नाही. त्यामुळे कुटुंबीयांना तो कुठेतरी गेला असावा असा अंदाज वाटला.
advertisement
रात्री उशिरापर्यंत शशीकुमार घरी न परतल्याने नातेवाइकांनी त्याचा शोध सुरू केला. शोधादरम्यान विहिरीजवळ त्याच्या चपला आढळून आल्या. यामुळे संशय बळावला. घटनेची माहिती कासारवडवली पोलिस ठाण्यात देण्यात आली.
त्यानंतर पोलिस हवालदार दीपक ठाकरे घटनास्थळी दाखल झाले. अग्निशमन दल आणि आपत्ती व्यवस्थापन पथकाच्या मदतीने विहिरीत शोध मोहीम राबवण्यात आली. सुमारे 25 ते 30 फूट खोल विहिरीत शशीकुमारचा मृतदेह आढळून आला. 18 जानेवारी रोजी पहाटे 2 वाजता मृतदेह बाहेर काढण्यात आला.
advertisement
या घटनेची कासारवडवली पोलिस ठाण्यात आकस्मिक मृत्यू म्हणून नोंद करण्यात आली असून पुढील तपास सुरू आहे. अचानक घडलेल्या या घटनेमुळे नाकोडी कुटुंबावर शोककळा पसरली असून परिसरात हळहळ व्यक्त केली जात आहे.
Location :
Mumbai,Maharashtra
First Published :
Jan 19, 2026 8:08 AM IST
मराठी बातम्या/ठाणे/
Thane News : साऱ्या लोकांनी शोधलं, पण नशिबात काही वेगळंच होतं; बेपत्ता तरुणाबाबत उघड झाला भयंकर प्रकार
