Document Home Delivery: तहसीलदार कार्यालयाबाहेर रांग लावण्याची कटकट गेली, घरपोच मिळणार दाखला; कशी मिळणार सेवा?

अनेक सुविधा आता नागरिकांना एका क्लिकवर मिळणार आहेत. दाखल्याचे अपडेट कुठपर्यंत आहेत? दाखला किती दिवसांत हातात मिळणार? यांसह अनेक प्रश्नांची उत्तरे नागरिकांना व्हॉट्स ॲप चॅटबोटवरून मिळणार आहे. नागरिक या व्हॉट्स ॲप चॅटबोटवरून जिल्हा परिषदेसोबत थेट संवाद साधू शकणार आहेत. जे नागरिक लांबून सरकारी कार्यलयामध्ये येतात, त्यांच्यासाठी हा पर्याय फार सोयीस्कर ठरत आहे. मराठी आणि इंग्रजी भाषेमध्ये हा चॅटबोट उपलब्ध असून या माध्यमातून नागरिकांना सरकारी योजनेची माहिती, सेवा, अर्ज प्रक्रिया, आवश्यक कागदपत्रे, अर्जाची सद्यस्थिती यांसह अनेक माहिती या चॅटबोटच्या माध्यमातून नागरिकांना मिळणार आहे.

व्हॉट्स ॲप चॅटबोटवरून नागरिक थेट जिल्हा परिषदेसोबत संपर्क साधू शकणार आहेत. तंत्रज्ञानाच्या मदतीने नागरिक प्रशासनासोबत संवाद साधेल. कशापद्धतीने नागरिकांना जास्तीत जास्त त्रास होणार नाही, याकडे सध्या जिल्हा परिषद लक्ष देत आहे. 8263841907 या व्हॉट्स ॲप नंबरवरून नागरिक चॅटकरून आपल्याला हवी असलेली माहिती उपलब्ध करू शकणार आहेत. ही चॅटबोट सुविधा 'ठाणे डोअरस्टेप डिलिव्हरी पोर्टल'सोबत संलग्नित आहे. सर्वच दाखल्यांसाठी नागरिकांकडून अर्ज दाखल केला जात असून सकारात्मक प्रतिसाद मिळत आहे.