ठाणे खाडीत इराण, अफगाणचे पाहुणे दाखल, 'फ्लेमिंगो' पाहायला कसं जायचं? तिकीट दर आणि वेळापत्रक

नवी मुंबई: ठाणे खाडी परिसरात हिवाळ्याच्या आगमनासोबतच निसर्गप्रेमींसाठी आकर्षण वाढले आहे. ऐरोली येथील कांदळवन क्षेत्रात मोठ्या संख्येने फ्लेमिंगो (रोहित पक्षी) दाखल झाले असून त्यांच्या दर्शनासाठी 21 डिसेंबरपासून बोट सफारी सुरू करण्यात आली आहे. नाताळच्या सुट्टीत ही सफर पर्यटकांसाठी पर्वणी ठरत आहे. फ्लेमिंगो म्हणजेच रोहित पक्षी हे इराण, अफगाणिस्तान आणि इस्त्रायलमधून हिवाळ्यात भारतात येतात. गुजरातच्या कच्छ भागातून हजारो किलोमीटरचा प्रवास करून हे पक्षी समुद्रकिनारी आणि पाणथळ क्षेत्रात वास्तव्यास येतात.