Navi Mumbai International Airport: नवी मुंबई विमानतळावरून थेट गोव्याला जा! इंडिगोची 6 शहरांसाठी सेवा सुरू, तिकीट किती?

एएनआय वृत्तसंस्थेने दिलेल्या वृत्तानुसार, 29 मार्च 2026 पासून नवी मुंबई आंतरराष्ट्रीय विमानतळावरून अहमदाबाद, दीव, गोवा, राजकोट, बेलगाम आणि कोल्हापूर अशा प्रमुख सहा शहरांमध्ये ही विमानसेवा पुरवली जाणार आहे. एटीआर एअरक्राफ्ट एअरलाइनने दिलेल्या अधिकृत निवेदनात स्पष्ट करण्यात आले आहे की, जाहीर केलेल्या नवीन मार्गांवर एटीआर विमानांचा वापर केला जाणार आहे. प्रादेशिक कनेक्टिव्हिटी वाढवणे आणि नवी मुंबईमधून त्या एअरलाईन्सचे विमान वाढवायचे आहे. या निर्णयामुळे मेट्रोद्वारे टीयर 2 आणि टीयर 3 शहरांमध्ये प्रवास करणे सोपे होईल.

या फ्लाईट्सची बुकिंग प्रोसेस अद्याप सुरू झालेली नाही. तिकिटे इंडिगो वेबसाईटवर, मोबाईल ॲपवर आणि अधिकृत ट्रॅव्हल एजंट्सच्या माध्यमातून उपलब्ध होणार आहेत. इंडिगोने दिलेल्या माहितीनुसार, नवी मुंबईहून उड्डाणे वाढवणे हे त्यांच्या एटीआर नेटवर्कचा विस्तार करून पर्यटनाला चालना देण्याच्या, प्रादेशिक अर्थव्यवस्थेला बळकटी देण्याच्या आणि लहान शहरांपासून मोठ्या शहरांमध्ये जलद प्रवास सुलभ करण्याच्या मोठ्या धोरणाचा एक भाग आहे. नवी मुंबई आंतरराष्ट्रीय विमानतळाला एक प्रमुख विमान वाहतूक केंद्र म्हणून विकसित करण्याच्या दिशेने हे एक पाऊल आहे. यामुळे मुंबई विमानतळावरील गर्दी कमी होण्यास देखील मदत होईल.