Thane News: खाडीमध्ये केमिकल सोडणाऱ्यांचा डाव तरुणांनी हाणून पाडला, पोलिसांचीही थेट कारवाई

सध्या पोलिसांकडून सर्व आरोपींवर कारवाई केली जात आहे. स्थानिक कार्यकर्ते आणि रहिवाशी यांनी आरोप केले की, त्यांचा केमिकल्स समुद्रामध्ये सोडण्याचा हेतू होता. जर त्यांनी केमिकल्स समुद्रामध्ये सोडले असते तर त्यामुळे समुद्री जीवांना आणि नागरिकांनाही त्याचा मोठ्या प्रमाणावर त्रास सहन करावा लागला असता. घटनेची माहिती मिळताच, मुंब्रा पोलिसांनी घटनास्थळी धाव घेतली. पोलिसांनी आरोपींना ताब्यात घेत त्यांचे वाहन ताब्यात घेतले. त्यांच्यावर एफआयआर नोंदवण्यात आली आहे. पोलिसांनी ताब्यात घेतलेल्यांमध्ये रविंद्र गिरी, सद्दाम शाह आणि ड्रायव्हर संदीप गिरी या तिघांचा समावेश आहे. वरिष्ठ पोलिस निरीक्षक अनिल शिंदे आणि निरीक्षक तेजस सावंत यांच्या मार्गदर्शनाखाली ही कारवाई करण्यात आली आहे.