Success Story : शेतकऱ्यानं धाडस दाखवलं, सव्वा एकरमध्ये केली घेवडा लागवड, वार्षिक साडेतीन लाख कमाई

बीड : शेतकरी शेतात नवनवीन प्रयोग करत आहेत. सात एकर शेती असूनही केवळ सव्वा एकर जागेत घेवड्याची (राजमा) लागवड करून एका शेतकऱ्याने लाखोंची कमाई साध्य केली आहे. नित्रुड येथील महादू घोटकर यांनी कमी क्षेत्रात प्रयोगशील शेती करत परंपरागत विचारांना छेद दिला असून, त्यांच्या या मॉडेलमुळे स्थानिक शेतकरी समुदायामध्ये उत्सुकता निर्माण झाली आहे. मागील वर्षापासून सुरू केलेला हा प्रयोग यंदाही यशस्वी ठरला असून, कमी खर्चात मोठा नफा हेच घोटकर यांच्या शेतीचे वैशिष्ट्य ठरले आहे.