Emergency लँडिंगने यंत्रणा अलर्टमोडवर, सुपरपॉवर देशात खळबळ; धोकादायक फायटर जेटला भारतात प्रवेशबंदी

अमेरिका बऱ्याच काळापासून भारताला F-35 स्टेल्थ फायटर खरेदी करण्यासाठी आग्रह करत आहे. पण भारतीय हवाई दल त्याच्या बाजूने नाही. यामागे स्पष्ट कारणे आहेत: या विमानाचा अत्यधिक देखभाल खर्च, वारंवार होणारे तांत्रिक बिघाड आणि लॉजिस्टिक सपोर्टमध्ये विलंब. भारत आधीच सुखोई, राफेल आणि स्वदेशी तेजस यांच्या मिश्रणावर काम करत आहे आणि त्याची प्राथमिकता स्वदेशी AMCA (Advanced Medium Combat Aircraft) प्रकल्पाला पुढे नेण्याची आहे. अशा परिस्थितीत जे विमान सतत तांत्रिक बिघाडांमुळे चर्चेत आहे ते खरेदी करणे भारतासाठी ना धोरणात्मकदृष्ट्या फायदेशीर आहे ना आर्थिकदृष्ट्या.