रिपोर्टिंग करत असताना महिला पत्रकाराला गोळी मारली, थरकाप उडवणारी घटना कॅमेऱ्यात कैद; थरारक Video

व्हायरल व्हिडिओमध्ये स्पष्टपणे दिसते की, एक महिला रिपोर्टर घटनास्थळाहून रिपोर्टिंग करत होती. तेवढ्यात पाठीमागे उभ्या असलेल्या दंगल विरोधी पोलिस जवानांपैकी एकाने तिच्या पायावर गोळी झाडली. ज्या महिला रिपोर्टरच्या पायावर गोळी लागली आहे ती ऑस्ट्रेलियाची असल्याचे म्हटले जात आहे. महिला रिपोर्टरचं नाव लॉरेन टोमासी असे आहे. लॉस एंजेल्समध्ये ती विरोध प्रदर्शनाच्या दरम्यान थेट ग्राउंड रिपोर्टिंग करत होती. पत्रकाराचा असा दावा आहे की एका अधिकाऱ्याने जाणूनबुजून तिला लक्ष्य केले.

गोळी लागल्याच्या आवाजासोबतच टोमासी किंचाळते आणि पाठीमागून आवाज येतो की, तुम्ही आत्ताच रिपोर्टरला गोळी मारली आहे. तसंच बॅकग्राउंडमध्ये रिपोर्टरचा आवाजाही स्पष्ट ऐकू येतात. मात्र यामध्ये टोमासीला दुखापत झाली असली तरी ती गंभीर स्वरूपाची नाही.