तुमची सोय तुम्हीच करा, माझ्याकडे येऊ नका! ट्रम्प यांच्या वक्तव्याने इंग्लंडच्या पोटात गोळा आला, जगाचे धाबे दणाणले

ट्रम्प यांनी ‘Truth Social’वर लिहिले की हॉर्मुझ सामुद्रधुनीमुळे ज्यांना जेट इंधन मिळत नाही जसे की ब्रिटन, ज्यांनी इराणविरोधातील कारवाईत भाग घेतला नाही त्यांच्यासाठी माझी सूचना आहे. पहिले अमेरिकेकडून तेल खरेदी करा, आमच्याकडे भरपूर आहे. आणि दुसरे धैर्य दाखवा, सामुद्रधुनीत जा आणि ते स्वतः मिळवा.

ते पुढे म्हणाले तुम्हाला स्वतःसाठी लढायला शिकावे लागेल. अमेरिका आता मदतीसाठी येणार नाही, जसे तुम्ही आमच्यासाठी आले नाहीत. ट्रम्प यांनी इराण मोठ्या प्रमाणावर उद्ध्वस्त झाले आहे असा दावाही केला आणि कठीण भाग पूर्ण झाला आहे, आता स्वतःचे तेल मिळवा, असेही त्यांनी म्हटले.

इराणने मात्र कोणत्याही चर्चेचे खंडन करत ट्रम्प यांच्यावर खोटे बोलण्याचा आरोप केला आहे. तसेच अमेरिकेने भू-कारवाईची तयारी सुरू केल्याचा आरोपही केला आहे.

1) कच्च्या तेलाच्या किंमतीत मोठी चढ-उतार

2) मध्यपूर्वेत तणाव वाढला

3) दुबई, एरबिल, जेरुसलेम आणि रियाध येथे स्फोट आणि हवाई हल्ल्यांचे सायरन

रियाधजवळ ड्रोन अडवताना दोन जण जखमी झाल्याची माहिती नागरी संरक्षण विभागाने दिली आहे.