बाप रे! पोटात हे काय सापडलं? 'ही' महिला खात होती स्वतःचेच केस; जेव्हा त्रास असह्य झाला...

मिळालेल्या माहितीनुसार, ही घटना मंडीच्या नेरचौक मेडिकल कॉलेजमध्ये घडली आहे. ज्या महिलेच्या पोटातून हा केसांचा गोळा काढण्यात आला आहे, ती मानसिक रुग्ण आहे. गेल्या अनेक वर्षांपासून ती स्वतःचे केस खात होती, त्यामुळे तिच्या पोटात केसांचा मोठा गोळा तयार झाला होता.

या घटनेची सखोल चौकशी केल्यावर, तज्ज्ञांनी सांगितलं की हा 'ट्रायकोबेझोर' नावाच्या एका दुर्मिळ आजाराचा प्रकार आहे. या स्थितीत केस किंवा इतर पचायला कठीण असलेले पदार्थ पोटात जमा होतात. वरिष्ठ वैद्यकीय अधीक्षक डॉ. रजनीश शर्मा यांनी या दुर्मिळ घटनेला दुजोरा दिला आहे. ते म्हणाले की, हे फक्त शस्त्रक्रियेचं प्रकरण नाही, तर मानसिक आरोग्याकडे दुर्लक्ष केल्याचं हे एक उदाहरण आहे. समाजात मानसिक आजारांबद्दल जनजागृतीचा मोठा अभाव असल्यामुळे अशा गंभीर परिस्थिती निर्माण होतात, असंही ते म्हणाले.

फेब्रुवारी 2025 मध्ये याच मेडिकल कॉलेजमध्ये अशीच एक घटना घडली होती. त्यावेळी एका मानसिक रुग्णाच्या पोटातून अनेक चाकू, नट आणि चमचे यासारख्या वस्तू काढण्यात आल्या होत्या. अशा प्रकरणांमध्ये, मानसिक आजारांवर वेळीच योग्य उपचार आणि त्यांची ओळख पटवणे खूप महत्त्वाचं आहे, ज्यामुळे असे गंभीर प्रकार टाळता येतात.