समोसा आवडत असेल तर सावधान, 'या' देशात जाऊन खाल तर शिक्षा भोगाल, कारण तुम्हाला आश्चर्यचकीत करेल

सामोसा या पदार्थाचा इतिहास जाणून घ्यायचा असेल तर तो आहे 16 व्या शतकातला. असं सांगितलं जातं, की 16व्या शतकात मुघल काळात या पदार्थाचा उल्लेख आढळतो. सामोसा ही मूळ भारतीय पाककृती मानली जाते. कालांतराने भारतातून तो अन्य देशांमध्ये बऱ्याच प्रमाणात लोकप्रिय झाला आहे. आता काही देशांमध्ये सामोसा तर खूप आवडीने खाल्ला जातो.

भारतातल्या खवय्यांची सामोशाला नेहमीच पहिली पसंती असते. भारतात तरी सामोसा हा पदार्थ खूप लोकप्रिय आहे. घरी पाहुणे आले तर किंवा संध्याकाळची भूक शमवण्यासाठी, कधी तरी सकाळच्या चहाबरोबरसुद्धा भारतात सामोसा खाल्ला जातो. याचं बाहेरचं आवरण मैद्यापासून केलं जातं आणि आतमध्ये कांदा, बटाटा, मटार, भरपूर कोथिंबीर, आलं, हिरवी मिरची यांची पेस्ट, काही प्राथमिक मसाले वापरून भाजी तयार केली जाते. मैद्याच्या छोट्या पोळीचा त्रिकोणी आकार करून त्यात हे सारण भरून सामोसा मंद आचेवर खुसखुशीत तळला जातो.