Weird Animal - अंधार होताच पाण्यात टॉर्च घेऊन पोहोतात मासे; विश्वास बसत नाही तर पाहा हा VIDEO

जगभरात असे अनेक जीव आहेत, ज्यांच्याबाबत आपल्याला माहिती नाही. असाच हा मासा जो टॉर्च घेऊन फिरतो. या माशाचं नावही फ्लॅशलाइट फिश आहे.  त्याचं वैज्ञानिक नाव अॅनोमॅलोपिडे आहे. त्याला लँटर्न-आय फिश असंही म्हणतात.  @gunsnrosesgirl3 एक्स अकाऊंटवर या माशाचा व्हिडीओ शेअर करण्यात आला आहे. व्हिडीओत तुम्ही पाहू शकता काळ्या रंगाचे हे मासे ज्यांचे डोळे चमकत आहेत.

आता या माशाच्या शरीरात प्रकाश कसा काय, असा प्रश्न तुम्हाला पडला असेल. त्याच्या डोळ्याखाली बायोल्युमिनेसेंट अवयव आहे, जो चमकदार निळा-हिरवा प्रकाश उत्सर्जित करतो. Liveaquaria अहवालानुसार, फ्लॅशलाइट माशांच्या प्रकाश अवयवामध्ये लाखो बायोल्युमिनेसेंट बॅक्टेरिया असतात, जे सतत निळा-हिरवा प्रकाश निर्माण करतात. तुम्हाला हे जाणून आश्चर्य वाटेल की हे मासे त्यांच्याद्वारे निर्माण होणाऱ्या प्रकाशाची तीव्रता नियंत्रित करू शकतात, म्हणजेच ते वाढवू शकतात, कमी करू शकतात किंवा बंद करू शकतात.

लँटर्न मासे भक्षक टाळण्यासाठी त्यांचा प्रकाश कमी करू शकतात आणि त्यांच्या स्वतःच्या माशांशी संवाद साधण्यासाठी प्रकाशाचा वापर करू शकतात.

आता हे असे मासे कुठे पाहायला मिळतील. तर हे मासे इंडो-पॅसिफिक महासागर आणि कॅरिबियन समुद्रात आढळतात.