PM House : अनेक वर्षांपासून रिकामं आहे पंतप्रधानांचं घर, पीएमही जायला घाबरतात, काय आहे तिथं?

सुमारे 25 हजार चौरस मीटरमध्ये पसरलेले आहे, ज्यामध्ये 6 इमारती आहेत, त्यापैकी एक पंतप्रधानांचे निवासस्थान म्हणून निवडण्यात आली होती. उर्वरित सर्व कार्यालये आणि व्हीआयपी पाहुण्यांच्या मुक्कामासाठी आहेत.

शिंजो आबे हे निवासस्थानापासून दूर राहण्याचा निर्णय घेणारे पहिले पंतप्रधान बनले. शिंजो आबे त्यांच्या पहिल्या कार्यकाळात त्यात राहत होते, परंतु दुसऱ्यांदा सत्तेत आल्यानंतर त्यांनी तिथं जाण्यास नकार दिला. त्यांनी त्याऐवजी स्वतःच्या घरात राहण्याचा निर्णय घेतला.त्यांनी म्हटलं की ही इमारत कथितपणे रहस्यमय शक्तींचं निवासस्थान आहे. जपानी पंतप्रधानांच्या या निर्णयानंतर सोरी कोटाई इथं अलौकिक शक्तींचं वास्तव्य आहे अशा अफवांना खतपाणी घालण्यात आलं. पण जेव्हा अफवा वेगाने पसरल्या तेव्हा पंतप्रधानांच्या प्रतिनिधींनी अधिकृत निवेदन देऊन पंतप्रधान निवासस्थानात भूत राहण्याची कोणतीही माहिती नसल्याचं सांगितलं, पण या विधानानंतरही पंतप्रधान तिथे गेले नाहीत. इंडिपेंडेंटच्या एका वृत्तात याचा उल्लेख आहे.

जोपर्यंत ते रिकामं होतं तोपर्यंत त्याची संपूर्ण देखभाल चालू राहिली आणि दरवर्षी त्यावर कोट्यवधी रुपये खर्च केले जात होते. दरवर्षी इमारतीची स्वच्छता आणि बागेची देखभाल करण्यासाठी सुमारे 1.1 दशलक्ष पौंड म्हणजे 10 कोटी 32 लाख खर्च केले जातात. यासाठी कर्मचाऱ्यांनाही अतिरिक्त पैसे द्यावे लागतात. अशा परिस्थितीत, विरोधी पक्ष सतत विद्यमान पंतप्रधानांवर तिथं जाऊन राहण्यासाठी दबाव आणत आहेत.

1930 च्या दशकात इथं दोन मोठ्या घटना घडल्या. 1932 मध्ये पंतप्रधान इनुकाई त्सुयोशी यांची इथं हत्या करण्यात आली आणि 1936 मध्ये बंडखोर सैनिकांनी त्यावर हल्ला केला. यामध्ये तत्कालीन पंतप्रधान केसुके ओकाडा यांच्या मेहुण्यासह 4 जणांचा मृत्यू झाला.