Jugaad Video : प्रवास करताना नेहमी सोबत ठेवा बटाटा, पावसाळ्यात फायद्याचा

बटाट्यापासून बरेच पदार्थ बनवले जातात. बटाट्याचा घरगुती सौंदर्य उपाय म्हणूनही वापर केला असेल. प्रवासात बटाट्याचे चिप्स खाल्ले असतील पण प्रवासात अख्खा बटाटा कधी नेऊन पाहिला आहे का? प्रवासात तुमच्यासोबत एक तरी बटाटा नक्की ठेवा. यामुळे किती तरी जीव वाचतील. आता बटाटा कसा काय जीव वाचवेल, असा प्रश्न तुम्हाला पडला असेल.

पावसाळ्यात गाड्या चालवताना तुम्ही पाहिलं असेल गाड्यांच्या काचा आणि आरशांवर पाणी लागतं. त्यामुळे इतर गाड्या स्पष्ट नीट दिसत नाहीत. अशावेळी अपघात होण्याचा आणि जीव जाण्याचा धोका आहे. पण इथं साधा बटाटा तुमच्या फायद्याचा (Viral Potato Jugaad Video) ठरेल.

तुम्ही एक बटाटा घ्या तो मधून कापा. आता कापलेला बटाटा पावसाचं पाणी पडलेल्या आरशावर फिरवा. आरशावरील पाणी स्वच्छ होईल आणि पुन्हा त्यावर अशा पद्धतीने पाणी राहणारच नाही. यामुळे तुम्हाला तुमच्या गाडीच्या मागून येणाऱ्या गाड्या स्पष्ट दिसतील. ज्यामुळे अपघात होणार नाही आणि साहजिकच जीवही वाचेल, असा दावा या व्हिडीओत करण्यात आला आहे.

@carki.kaksha इन्स्टाग्राम अकाऊंटवर हा व्हिडीओ पोस्ट करण्यात आला आहे.तुम्ही हा उपाय करून पाहा आणि त्याचा परिणाम आम्हाला आमच्या सोशल मीडियाच्या कमेंट बॉक्समध्ये नक्की सांगा.

तुम्ही असे कोणते जुगाड करता त्याबाबतही आम्हाला आमच्या सोशल मीडियाच्या कमेंट बॉक्समध्ये माहिती नक्की द्या.

(सूचना – हा लेख व्हायरल व्हिडीओवर आधारित आहे. न्यूज18मराठीचा याच्याशी संबंध नाही. न्यूज18मराठी याची हमी देत नाही.)