Kitchen Jugaad : नारळीपौर्णिमा, रक्षाबंधनआधी कुकरमध्ये नारळ नक्की ठेवा, का? Watch Video

कुकरमध्ये नारळ या जबरदस्त असा किचन जुगाडचा व्हिडिओ सोशल मीडियावर व्हायरल होतो आहे. याचा जबरदस्त असा फायदा आहे. एकदा हा व्हिडिओ तुम्ही पाहिलात तर तुम्हीसुद्धा हा उपाय लगेच कराल. नारळ घ्या, त्याच्या शेंड्या काढून टाका. आता प्रेशर कुकर घेऊन त्यात नारळ ठेवा 2 ग्लास पाणी टाका. कुकरचं झाकण बंद करून गॅसवर ठेवून 3 शिट्ट्या काढून घ्या.

कुकर थंड झाला की त्याचं झाकण उघडा. आतील नारळ गरम असतील तर ते थंड होऊ द्या. आता नारळावर ठोकता येईल अशी जड वस्तू घ्या. नारळावर सर्व बाजूने ठोका. थोड्या वेळाने तुम्हाला नारळाच्या वरचं कवच निघताना दिसेल आणि तुम्हाला अख्खा नारळ मिळेल. त्यावर  थोडंफार काळा भाग राहिला असेल तो सुरीने खरवडून काढता येईल.

आता या नारळाला मध्यभागी सुरीने चीर देऊन त्यातील पाणी काढून घ्या. मग तो मध्यभागी कापून त्याचे दोन तुकडे करा. सुरीने त्याचे पातळ काप कापून घ्या आणि मिक्सरमध्ये टाकून वाटून घ्या. हा नारळ न खवता नारळाचा किस तयार झाला. नारळीपौर्णिमा म्हणजे नारळभात आणि नारळापासून वेगवेगळे पदार्थ बनवणं आलंच. यासाठी नारळाचा किस लागतो. असा झटपट तुम्ही नारळाचा किस बनवू शकता.