Kitchen Jugaad : झोपण्याआधी बेडवर चहाची गाळणी फिरवा; फायदा काय VIDEO मध्ये पाहा

गृहिणींकडे काही ना काही किचन जुगाड असतात. अशाच गृहिणीने शेअर केलेला हा किचन जुगाड. ज्यात तिने बेडवर चहाच्या गाळणीचा वापर करून एक उपाय सांगितला आहे.

तुम्हाला करायचं काय आहे तर गाळणीत बेकिंग सोडा घेऊन तो गादीवर चाळून पसरवून घ्यायचा आहे. 10 मिनिटं तो गादीवर तसाच ठेवायचा आहे. त्यानंतर एक प्लेट घेऊन ती एका कपड्यावर उलटी ठेवा. कपड्याची चारही टोकं एकत्र करून त्याला रबर बांधा. ही प्लेट तुम्हाला इस्त्री सारखी गादीवर फिरवायची आहे. यामुळे गादीवरील बेकिंग सोडा स्वच्छ होईल. यानंतर याच कपड्यावर थोडं पाणी शिंपडून पुन्हा त्याच पद्धतीने गादीवर फिरवा. यावेळी पंखा चालू ठेवा. जेणेकरून गादी सुकेल.

याचा फायदा काय तर यामुळे तुमची गादी स्वच्छ होईल. त्यातील दमटपणा जाईल. वास येणार नाही. यामुळे तुम्हाला होणारं फंगस इन्फेक्शन, त्वचेची समस्याही होणार नाही जी या खराब गादीमुळे होते.

(सूचना - या लेखात दिलेली माहिती सोशल मीडियावरील व्हायरल व्हिडिओवर आधारित आहे. न्यूज18मराठीचा याच्याशी संबंध नाही. न्यूज18मराठी याची हमी देत नाही.)