बॉस नाही, कामाचं टेन्शन नाही, फक्त लाईट चालू-बंद करा अन् 30 कोटी कमवा! वाचा या नोकरीचं वास्तव!

सोशल मीडियावर व्हायरल होणाऱ्या पोस्टमध्ये दावा केला जात आहे की, ही नोकरी इजिप्तच्या अलेक्झांड्रिया बंदरातील फारोस नावाच्या बेटावर असलेल्या अलेक्झेंड्रियाच्या दीपगृहाच्या (Lighthouse of Alexandria) रक्षकाची आहे, जी जगातील सर्वात कठीण नोकरी मानली जाते. या ज्यूमन दीपगृहाच्या (Jumon Lighthouse) रक्षकाच्या नोकरीसाठी वार्षिक पॅकेज पगार ३० कोटी रुपये आहे. या नोकरीतील सर्वात मोठी सोय म्हणजे, व्यक्तीला जेव्हा वाटेल तेव्हा तो झोपू शकतो. फक्त एकच गोष्ट लक्षात ठेवायची आहे की, दीपगृहाचा दिवा तेवत राहिला पाहिजे.

असं म्हटलं जातं की, इथे काम करणाऱ्या व्यक्तीला दीपगृहात एकटंच राहावं लागतं. हे दीपगृह बंदरावर बांधलेलं असल्यामुळे मैलोंपर्यंत कोणीही माणूस दिसत नाही. इथे बोलण्यासाठी दुसरी कोणतीही व्यक्ती उपस्थित नसते. हे दीपगृह समुद्राच्या मध्यभागी बांधलेलं आहे. अनेक धोकादायक वादळांना सामोरं जावं लागतं. समुद्राच्या लाटा दीपगृहाला वेढून घेतात. रक्षकाच्या जीवालाही धोका असतो. खडकांमध्ये मोठ्या जहाजांना मार्ग दाखवण्यासाठी हे दीपगृह बांधण्यात आलं आहे. हे दीपगृह उत्तम उदाहरणांपैकी एक अद्वितीय उदाहरण आहे. या नोकरीसाठी फक्त दहावीपर्यंतचं शिक्षण आवश्यक आहे, पण तांत्रिक समज असणं गरजेचं आहे.

ज्यूमन दीपगृह आता पूर्णपणे स्वयंचलित (automated) झालं आहे. याचा अर्थ इथे दिवे लावण्यासाठी रक्षकाची गरज नाही. 30 कोटी रुपयांच्या पगाराचा आकडा देखील खूप वाढवून सांगितला जात आहे. ऑनलाइन आणि सोशल मीडियावर नोकरीबद्दल अनेक पोस्ट आहेत. अशा दिशाभूल करणाऱ्या पोस्टमध्ये 30 कोटी रुपयांच्या पगाराचा दावा केला जातो. फ्रान्समधील ज्यूमन लाईटची कोणतीही अधिकृत नोंद नाही. दिवे सरकारद्वारे व्यवस्थापित केले जातात किंवा त्यांच्या देखभालीसाठी एजन्सी असतात. दीपगृहाच्या नोकरीत पगार ठिकाणानुसार सुमारे 33 लाख ते 50 लाख रुपये पर्यंत असतो.