Traffic Rule : New Year ला गाडी चालवणाऱ्यांसाठी अलर्ट्! 'हे' ट्रॅफिक नियम वाचूनच घराबाहेर पडा

नवीन वर्षाच्या (2025) स्वागताची तयारी सुरू झाली आहे. 31 डिसेंबरला रात्री अनेक जण पार्टी करतात. नवीन वर्षाच्या स्वागतात अनेक जणांचं भान इतकं हरपून जातं, की मद्यपान करून वाहतुकीच्या नियमांचं उल्लंघनदेखील केलं जातं. त्यामुळे त्यांना नुकसान सहन करावं लागते. मोठा दंड भरावा लागतो किंवा रात्र तुरुंगात काढावी लागते. जर तुम्हाला नवीन वर्षाचं स्वागत उत्साहात करायचं असेल आणि रात्री ड्रायव्हिंगचा आनंद घ्यायचा असेल तर वाहतुकीबाबतचे काही नियम माहिती असणं गरजेचं आहे.

नवीन वर्षाच्या स्वागताला पार्टी करण्यात काही गैर नाही; पण ड्रिंक अँड ड्राइव्ह टाळा. मद्यपान करून वाहन चालवल्यास अपघाताचा धोका वाढतो. तसंच पकडलं गेल्यास तुरुंगवासदेखील होऊ शकतो. पोलीस तुमच्याकडून दंड वसूल करू शकतात. त्यामुळे गाडी चालवताना नियमांचं पालन करा.