चेहरा विकून मिळवले 1.60 लाख रुपये, पण सत्य कळताच महिलेला होतोय पश्चात्ताप, नेमकं प्रकरण काय?

डेली स्टारच्या रिपोर्टनुसार, ही घटना लुसी नावाच्या मुलीसोबत घडली आहे. इतर अनेक सेलिब्रिटींप्रमाणे तिनेही आर्टिफिशियल इंटेलिजन्स स्टार्टअपला आपला चेहरा विकला, ज्यासाठी कंपनीने तिला चांगली रक्कम दिली. लुसी पैसे मिळाल्याने आनंदी होती, जोपर्यंत कंपनीने तिला यासंबंधीची एक महत्त्वाची गोष्ट सांगितली नाही. मुलीने एका करारावर स्वाक्षरीही केली आणि AI मॉडेलला प्रशिक्षण देण्यासाठी तिला अनेक व्हिडिओ रेकॉर्डिंग्ज द्यावी लागली. त्यांना काम पूर्ण करण्यासाठी सुमारे दोन तास लागले, पण त्यानंतर कंपनीने त्यांना सांगितलं की, आता ते तिचा चेहरा कुठेही वापरू शकतात आणि त्यासाठी लुसीची परवानगी घेण्याचीही गरज नाही.

लुसी म्हणाली की, जेव्हा त्यांनी दिलेले पैसे संपले, तेव्हा मला हे लक्षात आलं. मुलगी म्हणाली की, तिला पैसे मिळाले, पण आता तिला भीती वाटते की, ते तिच्या चेहऱ्याचा गैरवापर करू शकतात. अशा अनेक बातम्या आल्या आहेत, ज्यात कंपन्या खोट्या गोष्टींसाठी खरे चेहरे वापरतात. कंपन्या मॉडेल आणि अभिनेत्यांना त्यांचे चेहरे वापरण्यासाठी चांगले पैसे देतात, पण सामान्य लोकांसाठी ही मोठी गोष्ट आहे.