Vadapav Girl : अफेअर, घटस्फोट अन् आता....वडापाव गर्लनं दुसऱ्या नवऱ्यासाठी बदलला धर्म? Video शेअर होताच रंगली चर्चा

काही दिवसांपूर्वी चंद्रिकाने एका व्यक्तीसोबतचे रोमँटिक व्हिडिओ शेअर केले होते, ज्यामुळे नेटकऱ्यांनी तिच्यावर प्रश्नांचा भडीमार केला. अनेकांनी असा दावा केला की, चंद्रिकाने तिच्या पतीला (युगम गेरा) सोडून या नवीन व्यक्तीसाठी धर्मपरिवर्तन केलं आहे. या मिस्ट्री मॅनचं नाव अनस सैफी असल्याचं आता समोर आलं आहे. एका व्हिडिओमध्ये चंद्रिका चक्क बुर्का घालून दिसली होती, तर अनसच्या कपाळावर टिळा होता. यामुळे 'लव्ह जिहाद'सारख्या चर्चांनाही उधाण आलं होतं.

चंद्रिकाच्या आयुष्यातील सर्वात मोठा ट्विस्ट म्हणजे तिने आपल्या पतीकडे परत जाण्याची व्यक्त केलेली इच्छा. मध्यस्थी करणाऱ्या व्यक्तीने युगमला आवाहन केलं आहे की, "तुमच्यातील गैरसमज दूर करण्यासाठी मी पुढाकार घेतो. चंद्रिकाला तिचं घर आणि संसार वाचवायचा आहे. अनस आणि चंद्रिका फक्त एकत्र काम करतात, त्यांच्यात दुसरं कोणतंही नातं नाही."

सोशल मीडियावर व्ह्यूज मिळवण्यासाठी अनेकदा क्रिएटर्स अशा प्रकारचे 'कंट्रोव्हर्शियल' व्हिडिओ बनवतात. चंद्रिका आणि अनसनेही असेच व्हिडिओ बनवल्याचं आता समोर येतंय. पण या नादात चंद्रिकाचं वैयक्तिक आयुष्य चव्हाट्यावर आलं आहे. तिच्या पतीनेही तिच्या चारित्र्यावर संशय व्यक्त केला होता, ज्यामुळे हे प्रकरण अधिक चिघळलं होतं.

चंद्रिका दीक्षितच्या या नव्या व्हिडिओनंतर चाहते संभ्रमात आहेत. हा खरोखर पश्चात्ताप आहे की पुन्हा एकदा प्रसिद्धी मिळवण्यासाठी केलेला नवा स्टंट? असा प्रश्न विचारला जात आहे. मात्र, चंद्रिकाने आता तिची भूमिका स्पष्ट केल्यामुळे या वादावर तात्पुरता पडदा पडल्याचं चित्र आहे.