संपूर्ण राज्यात पावसाचं थैमान! सरासरीपेक्षा कुठे किती जास्त पाऊस? सर्व अपडेट्स एका क्लिकवर

भारतीय हवामान खात्याच्या ताज्या माहिती नुसार , पश्चिम विदर्भ आणि परिसरात कमी दाबाचा पट्टा सक्रीय आहे. गेल्या ६ तासांत हा पट्टा ४३ किमी प्रतितास वेगाने पश्चिमेकडे सरकला आहे. २८ सप्टेंबर रोजी सकाळी ५.३० वाजता हा प्रणाली अकोल्याच्या दक्षिणेस ५० किमी, संभाजीनगरच्या ईशान्येस १८० किमी, नाशिकपासून ३३० किमी व सुरतपासून ५४० किमी अंतरावर केंद्रित होती. हवामान विभागाचा अंदाज आहे की पुढील १२ तासांत हा पट्टा मराठवाडा व मध्य महाराष्ट्रातून पश्चिमेकडे सरकत कमकुवत होईल आणि कमी दाबाच्या क्षेत्रात परिवर्तित होईल. मात्र, या कालावधीत पावसाचा जोर कायम राहणार आहे.

मराठवाड्यात या वर्षीचा पाऊस सरासरीपेक्षा बऱ्याच प्रमाणात जास्त झाला आहे.

तर दुसरीकडे मुंबई शहरमध्ये सरासरीपेक्षा -४% ने पाऊस कमी आहे तर मुंबई उपनगरमध्ये सरासरी पेक्षा +२९ % जास्त पाऊस पडला आहे.

फक्त मराठवाडाच नव्हे, तर उर्वरित महाराष्ट्रातही हवामान विभागाने अलर्ट जारी केले आहेत. रायगडमध्ये रेड अलर्ट, तर पुणे, नाशिक, ठाणे, पालघर आणि धरण क्षेत्रांत मुसळधार पावसाचा इशारा देण्यात आला आहे. यामुळे नद्यांमध्ये पूरस्थिती निर्माण होण्याची भीती आहे.