कांद्याच्या शेतीतं पैशाचं आंतरपीक, 5 हजारांच्या खर्चात लाखांची कमाई, नेमकं काय केलं?

पारंपारिक पद्धतीने नैसर्गिक शेती करत असल्यामुळे जास्त खर्च नाही. ननवरे हे ज्या पद्धतीने ग्राहकांची मागणी असते त्या पद्धतीने हुरड्याची विक्री करत आहेच. या हुरड्याची कणसांसह 170 रूपये किलो दराने विक्री करत आहेत. तर विना कणसासहित 280 रूपये किलो दराने हुरड्याची विक्री केली जाते. या हुरड्याला सोलापूर जिल्ह्यासह पुणे, हैदराबाद आणि मुंबई इथून देखील मागणी असते. नैसर्गिक पद्धतीने हुरड्याची लागवड करत असल्यामुळे ग्राहकांची मागणी वाढत आहे, असे शेतकरी सांगतात.

या हुरडा लागवडीला ननवरे यांना 5 हजार रुपयांपर्यंत खर्च आला. तर त्याच्या विक्रीतून आतापर्यंत एक लाख रुपये पर्यंतचा उत्पन्न मिळालं आहे. आणखी हुरडा विक्री सुरू असून राहिलेल्या हुरड्यातून देखील 30 ते 40 हजार रुपयांचं उत्पन्न मिळेल अशी अपेक्षा शेतकरी नागेश ननवरे यांनी व्यक्त केलीये. शेतकऱ्यांनी रासायनिक शेतीपेक्षा पारंपारिक पद्धतीने नैसर्गिक शेती केल्यास आणि आंतरपीक पद्धतीचा वापर केल्यास शेती नक्की परवडेल, असे कृषिभूषण ननवरे सांगतात.