Agriculture Success: छ. संभाजीनगरच्या शेतकऱ्यानं लावलं पैशाचं पीक, 8 एकरात 5000000 रुपयांची कमाई, यशाचा मंत्र काय?

“डाळिंब शेती करताना अनेक अडचणी निर्माण होतात. फळबागेवर रोगराई पसरण्याचं संकट कायम असतं. डाळिंब या फळावर तेल्या आणि प्लेग रोगाचा प्रादुर्भाव दरवर्षी होत असतो. मात्र आपण यावर नियंत्रण मिळवण्यासाठी न्युट्रेशन लेवल केले तर तेल्या आणि प्लेग रोगाला हरवू शकतो. त्यामुळे बिकट परिस्थितीत देखील फळबाग फायदेशीर ठरू शकते,” असेही पडूळ सांगतात.

डाळिंब बागेत पैसा मिळू शकतो. त्यासाठी शेती करण्याच्या अगोदर सर्व औषधांची माहिती असणे आवश्यक आहे. तसेच योग्य नियोजन करण्याची गरज असते. मातीचे आणि झाडांचे परिक्षण करून किंवा त्जज्ञांचे मार्गदर्शन घेऊन डाळिंब शेती करायला पाहिजे. आधुनिक तंत्रज्ञानाचा वापर आणि रोगराईवर नियंत्रण मिळवणे या बाबी डाळिंब शेतीसाठी महत्त्वाच्या ठरतात. तरुण शेतकऱ्यांनी ऑरगॅनिक शेतीकडे वळले पाहिजे. दुसरीकडे कमी पैशात काम करण्यापेक्षा शेतीत मन लावून आणि नियोजनानुसार काम केलं तर 2 एकर शेतीत महिन्याकाठी 50 हजार रुपयांचे उत्पन्न निघू शकते, असे देखील पडूळ यांनी सांगितले.