बाकीचे नोकरी करत राहिले! दीपकनं Wipro कंपनी सोडली, या व्यवसायाने केलं करोडपती, करतोय २३ कोटींची कमाई

Published by:Ajit Bhabad

Last Updated:Mar 04, 2026 7:33 AM IST

Success Story : आयटी क्षेत्रातील स्थिर कारकीर्द सोडून दुग्ध व्यवसायात उतरलेल्या हरियाणातील एका तरुणाने आपल्या जिद्दी आणि नियोजनाच्या जोरावर 23 कोटींची उलाढाल गाठत नवे यश मिळवले आहे.

इम्पॅक्ट शॉटतुमचा गेटवे लेटेस्ट न्यूज

मुंबई : आयटी क्षेत्रातील स्थिर कारकीर्द सोडून दुग्ध व्यवसायात उतरलेल्या हरियाणातील एका तरुणाने आपल्या जिद्दी आणि नियोजनाच्या जोरावर 23 कोटींची उलाढाल गाठत नवे यश मिळवले आहे. हरियाणातील हरियाणा राज्यातील जांती खुर्द या गावचा रहिवासी दीपक राज तुशीर यांनी नामांकित आयटी कंपनी Wipro मधील नोकरीचा राजीनामा देत शेती आणि दुग्ध व्यवसायात नवे पर्व सुरू केले. आज त्यांच्या ‘बिनसर फार्म’ने आधुनिक डेअरी व्यवस्थापनाचे यशस्वी मॉडेल उभे केले आहे.

कॉर्पोरेट नोकरीतून गावाकडे परतण्याचा निर्णय

दीपक यांनी बीई (माहिती तंत्रज्ञान) आणि एमबीएचे शिक्षण पूर्ण केले. विप्रोमध्ये सुमारे दहा वर्षांची यशस्वी कारकीर्द असतानाही त्यांनी गावाच्या विकासासाठी काहीतरी वेगळे करण्याचा निर्धार केला. 2012 मध्ये त्यांनी न्यूझीलंडमधील दोन प्रगत शेतकरी आणि दोन सहकारी आयटी अभियंत्यांसह भागीदारी करून डेअरी व्यवसायाची सुरुवात केली. उच्च दर्जाचे दूध उत्पादन करणे आणि स्थानिकांना रोजगार उपलब्ध करून देणे हे त्यांचे ध्येय होते.

एका वासरापासून 500 गायींपर्यंतचा प्रवास

फार्मची सुरुवात केवळ एका वासरापासून झाली. आज येथे 500 हून अधिक गायी आहेत. होल्स्टीन फ्रिजियन (एचएफ), जर्सी आणि स्थानिक भारतीय जातींची निवड त्यांनी उत्पादनक्षमता आणि आरोग्य लक्षात घेऊन केली. आधुनिक मशीनद्वारे दूध काढणे, प्रगत प्रजनन पद्धती आणि संतुलित आहार व्यवस्थापन यामुळे उत्पादनात सातत्य राखता आले.

सुरुवातीचे अपयश आणि डेटा-आधारित उपाय

प्रारंभी 50 गायींपैकी 15 गायी आजारामुळे दगावल्या. हा मोठा धक्का होता. मात्र दीपक यांनी आयटी क्षेत्रातील अनुभवाचा उपयोग करून गायींचे वजन, आरोग्य आणि उत्पादन यांचा डेटा गोळा करण्यास सुरुवात केली. प्रयोगशाळा चाचण्यांमधून त्यांनी लक्षात आणले की कमी वजनाच्या गायींना आजाराचा धोका अधिक असतो. त्यानंतर कठोर आरोग्य नियम आणि नियमित तपासणीची प्रणाली राबवण्यात आली.

थेट ग्राहकांपर्यंत पोहोचण्याची रणनीती

स्थानिक बाजारपेठेत शेतकऱ्यांना दुधाला योग्य दर मिळत नसल्याचे लक्षात आल्यानंतर त्यांनी दूध थेट ग्राहकांपर्यंत पोहोचवण्याचा निर्णय घेतला. बाटलीबंद पॅकिंग सुरू करण्यात आले. सुरुवातीला दररोज 4 ते 10 लिटर दूध विकले जात होते. गुणवत्तेमुळे मागणी वाढत गेली आणि आज दररोज 7,000 ते 8,000 लिटरपर्यंत विक्री होत आहे.

23 कोटींची उलाढाल

2023 मध्ये ‘बिनसर फार्म’ची उलाढाल 23 कोटी रुपयांवर पोहोचली असून निव्वळ नफा मार्जिन 5 ते 6 टक्क्यांदरम्यान आहे. आधुनिक तंत्रज्ञान, शिस्तबद्ध व्यवस्थापन आणि गुणवत्तेवर भर या त्रिसूत्रीच्या आधारे त्यांनी दुग्ध व्यवसायात वेगळी ओळख निर्माण केली आहे.

view comments

Location :

Mumbai,Maharashtra

First Published :

Mar 04, 2026 7:33 AM IST

बाकीचे नोकरी करत राहिले! दीपकनं Wipro कंपनी सोडली, या व्यवसायाने केलं करोडपती, करतोय २३ कोटींची कमाई