शेतकऱ्यांनो, रब्बी हंगामातील ई-पीक पाहणीसाठी मुदतवाढ, कशी कराल नोंदणी?

अमरावती : रब्बी हंगामातील पिकांची अधिकृत नोंद सातबाऱ्यावर होण्यासाठी शासनाच्या वतीने ई-पीक पाहणी अभियान राबवले जात आहे. चिखलदरा तालुक्यातील शेतकऱ्यांनी 24 जानेवारीपूर्वी आपल्या पिकांची ऑनलाइन नोंदणी करणे आवश्यक आहे. विहित मुदतीत नोंदणी न केल्यास सातबाऱ्यावर पीक नोंद होणार नाही, असा इशारा प्रशासनाकडून देण्यात आला आहे. सातबाऱ्यावर पीक नोंद नसल्यास भविष्यात पीक विमा, नुकसान भरपाई किंवा नैसर्गिक आपत्तीच्या मदतीपासून शेतकरी वंचित राहू शकतात. त्यामुळे सर्व शेतकरी बांधवांनी वेळेत ई-पीक पाहणी पूर्ण करावी, असे आवाहन तहसीलदार जीवन मोरणकर यांनी केले आहे.