Success Story : नेहमीच्या पिकांना दिला फाटा, शेतकऱ्यानं केला तोडले शेतीचा प्रयोग, उत्पन्न लाखात! Video

छत्रपती संभाजीनगर : मराठवाड्यात क्वचित दिसणाऱ्या तोडले शेतीच्या प्रयोगानं फुलंब्री तालुक्यातील पाथ्री भागात चर्चा सुरू झाली आहे. पाथ्रीचे प्रयोगशील शेतकरी द्वारकादास पाथ्रीकर यांनी नेहमीच्या पिकांना बाजूला ठेवत तोडले शेतीचा वेगळा प्रयोग केला आहे. चार बाय चार अंतरावर तोडले झाडांची लागवड त्यांनी केली आहे. या पिकातून चांगलं उत्पादन निघत असल्याचं दिसून येत आहे. या शेतीकडं पाहायला आजूबाजूच्या गावातून शेतकरी येत आहेत. तोडल्याला बाजारात सध्या चांगली मागणी आहे. त्यामुळे या पिकातून 2 ते 2.50 लाख रुपयांपर्यंत उत्पन्न मिळेल, अशी अपेक्षा द्वारकादास पाथ्रीकर यांनी लोकल 18 सोबत बोलताना व्यक्त केली आहे.