Tur Crops Farming : ना रासायनिक खत, ना फवारणी तरीही बहरलं तूर पीक, एकरी 10 क्विंटल होणार उत्पादन, शेतकऱ्यानं असं काय केलं?

याबाबत ते सांगतात की, 8 एकर क्षेत्रात मी तूर लागवड ही बेडवर केली. 5 फूट अंतरावर बेड तयार केले. त्यानंतर टोकण पद्धतीने तूर लागवड केली. तुरीचे बियाणे देखील घरगुतीच वापरले. मागील वर्षीची शेतातील तूर घेऊन त्यावर बीजप्रक्रिया केली आणि बियाणे पेरणीसाठी वापरले. यामध्ये तूर पीक हे तासी म्हणजेच अर्धा ते पाऊण फूट अंतरावर लावलेली आहे. लागवड करण्याआधीच बेडवर कोंबडी खताचा पातळ थर दिला. त्यानंतर कोंबडी खत आणि पंचामृत फवारणी 4 वेळा केली. या दोन्हीच्या आधारे आज तुरीची स्थिती सुदृढ आहे. यावर कोणताही रोग नाही. तसेच वाढ देखील 8 फूट पर्यंत झाली आहे, असे त्यांनी सांगितले.

पुढे ते सांगतात की, सध्याची तुरीची स्थिती बघता मला एकरी 10 क्विंटल तूर पिकाची अपेक्षा आहे. कमीत कमी खर्चात यावर्षी तूर पीक बहरले आहे. सोयाबीनचा खर्च देखील यातून निघेल अशी आशा आहे. पुढेही तुरीवर रोग येणार नाही, याची काळजी घेणे देखील सुरू आहे, असे त्यांनी सांगितले.