मनोरंजन विश्वात खळबळ! अभिनेत्री उर्मिलाने केली हत्या; बॉयफ्रेंडसाठी लिव्ह इन पार्टनरला संपवलं

ही अभिनेत्री आहे उर्मिला. कन्नड अभिनेत्री. जिला बिंदू म्हणूनही ओळखलं जातं. बजरंगी, पोलीस क्वार्टर्स आणि कालभैरव सारख्या कन्नड फिल्मध्ये छोट्या भूमिका केल्या आहेत. ती लिव्ह इनमध्ये राहत होती. तिच्या लिव्ह इन पार्टनरचं नाव मोहन राव.

मीडिया रिपोर्टनुसार मोहन रावचा छोटासा फायनान्स बिझनेस होता. त्याचं लग्न झालं होतं. तो पत्नीपासून वेगळा झाला होता. यानंतर तो बिंदूसोबत लिव्ह-इन रिलेशनशिपमध्ये राहत होता. बिंदूही तिच्या पतीसोबत राहत नव्हती.

उर्मिला लिव्ह इनमध्ये राहत होती. पण त्याच वेळी तिचा जीव दुसऱ्या पुरुषावर जडला, ज्याचं नाव विनय. तिला त्याच्याशी लग्न करायचं होतं. दोघांनीही लग्न करण्याचा निर्णय घेतला आणि उर्मिलाने बॉयफ्रेंडसाठी तिने लिव्ह इन पार्टनरला संपवण्याचा कट आखला.. या गुन्ह्यात तिच्या बॉयफ्रेंडनेही तिची साथ दिली.

पोलिसांनी दिलेल्या माहितीनुसार, त्यांनी मोहन रावची हत्या करण्याचा कट रचला होता. कटाचा एक भाग म्हणून बिंदू आणि मोहन ज्या घरात एकत्र राहत होते तिथं एक पार्टी आयोजित करण्यात आली होती. पार्टीत दारू प्यायल्यानंतर मोहनवर हल्ला करून त्याची हत्या करण्यात आली. विनयने त्याचा मित्र धनुषच्या मदतीने मोहनवर अनेक वार केले. मोहन ओरडू लागला तेव्हा बिंदूने त्याच्या तोंडावर आणि नाकावर पट्टी बांधली आणि त्याचे हातपाय बांधले. मोहनचा मृत्यू गुदमरल्यामुळे आणि दुखापतींमुळे झाला असं वृत्त आहे.