Gold Silver Price: ६० मिनिटं अन् १.१ ट्रिलियन डॉलर्सचा चुराडा, सोनं-चांदीच्या बाजारात इतिहासातील सर्वात मोठा भूकंप

Gold Silver Price:  इस्रायल-अमेरिकेने इराणविरुद्ध पुकारलेल्या युद्धामुळे जागतिक बाजारपेठेतही उलटफेर झाला आहे. कच्च तेल, नैसर्गिक वायूंच्या दरात वाढ झाली असून दुसरीकडे सोनं-चांदीदेखील महागली आहे. सोनं-चांदीच्या दर सोमवारी चांगलाच वधारला होता. मात्र, जागतिक कमोडिटी बाजारात असा काही 'यू-टर्न' पाहायला मिळाला, ज्याची कल्पना बड्या गुंतवणूकदारांनीही केली नव्हती. अवघ्या एका तासाच्या कालावधीत सोने आणि चांदीच्या बाजारमूल्यातून तब्बल १.१ ट्रिलियन डॉलर्सचा चुराडा झाला. सोन्याच्या किमतीत १०० डॉलर्सची, तर चांदीत ७ टक्क्यांची मोठी घसरण झाल्याने बाजारात एकच खळबळ उडाली.