अतिवृष्टीमुळे खरडून गेलेल्या जमीनधारक शेतकऱ्यांना धक्का! या अटींमुळे आर्थिक मदतीपासून राहणार वंचित

मुंबई : राज्य सरकारने अतिवृष्टी आणि पुरामुळे खरडून गेलेल्या जमिनीच्या नुकसानीसाठी शेतकऱ्यांना हेक्टरी साडेतीन लाख रुपयांच्या विशेष पॅकेजची घोषणा केली होती. मात्र, ही घोषणा कागदावरची ठरली आहे. शासनाच्या नव्या आदेशानुसार, पात्र शेतकऱ्यांना प्रत्यक्षात केवळ हेक्टरी ४७ हजार रुपये रोख स्वरूपात मिळतील, तर उर्वरित तीन लाख रुपये ही रोजगार हमी योजनेअंतर्गत होणाऱ्या मजुरीसाठी दिली जाणारी रक्कम आहे. त्यामुळे अर्थसंकल्पातील आधीच असलेल्या तरतुदीला या पॅकेजमध्ये समाविष्ट करून मदतीचा आकडा कृत्रिमरीत्या फुगविण्यात आल्याची टीका होत आहे.