देशी गायींची माहिती सगळ्यांना असली पाहिजे, पुण्यात सुरू झालं पहिलं गो पर्यटन, Video

पुणे : भारतीय संस्कृतीत गाईला फार महत्त्व आहे. भारतात गोपालन हा पूर्वापार चालत आलेला कृषिपूरक व्यवसाय आहे. तसेच गाईला धार्मिक महत्त्वही आहे. त्यामुळेच हिंदू धर्मीय लोक गाईंची पूजा करतात. अलिकडच्या काळात घरोघरी असणारी देशी गाईंची संख्या कमी झाली. त्यामुळे क्वचित ठिकाणी पाहिला मिळतात. परंतु आता या गाईचा प्रत्यक्ष अनुभव घेता यावा, त्याचा सहवास मिळावा यासाठी पुणे कृषी महाविद्यालयात देशी गाय संशोधन व प्रशिक्षण केंद्रामध्ये राज्यातील पहिलाच गो पर्यटन प्रकल्प राबवला जात आहे. इथे सर्व देशी गोवंशी गाईची माहिती मिळणार आहे. कशा प्रकारे हा प्रकल्प आहे? याविषयीची अधिक माहिती डॉ. सुजित भालेराव यांच्याकडून जाणून घेऊ.

चांगले अन्न जसे आपल्या शरीरासाठी चांगले आहे तसे आपल्या मनाच्या शांतीसाठी गाईबरोबर सहवास असणे गरजेचे आहे. याच संकल्पनेतून आता हा प्रकल्प सुरू करण्यात आला आहे. संशोधन केंद्रात 12 प्रकारच्या गाईंच्या ब्रीड या आहेत. यामध्ये महाराष्ट्रातील 6 गाई, भारतातील सर्वात जास्त दूध देणाऱ्या 5 गाई या गो परीक्रमा या युनिटमध्ये पाहिला मिळतात. या गाईची सर्व माहिती इथे मिळते.