अमेरिका भारतापेक्षा कृषी क्षेत्रात प्रगत कसा? भारतीय शेतकऱ्यांची कुठे होतेय अडचण?

मुंबई : भारत आणि अमेरिका या दोन देशांमध्ये होणाऱ्या व्यापार करारांमध्ये शेती हा सर्वात संवेदनशील मुद्दा ठरतो. कारण भारतासाठी शेती हा केवळ आर्थिक व्यवहार नसून, तो कोट्यवधी लोकांच्या उपजीविकेचा प्रश्न आहे. तर अमेरिकेसाठी शेती हा अत्याधुनिक तंत्रज्ञान, मोठी गुंतवणूक आणि प्रचंड अनुदानांवर आधारित निर्यातप्रधान उद्योग आहे. या दोन भिन्न वास्तवांमुळे भारत-अमेरिका कृषी व्यापारात तोल सांभाळणे सरकारपुढील मोठे आव्हान आहे.