Success Story: पपई, लिंबू, भोपळा आणि टोमॅटो, 30 गुंठे शेतीत भारी प्रयोग, आता महिन्याला 3 लाखांची कमाई

सुरुवातीच्या काळात 2 ट्रॉली शेणखताचा वापर केला, तसेच मल्चिंगचा वापर केला. याबरोबरच पाण्यासाठी ठिबक सिंचनचे व्यवस्थापन केले. कीटकनाशकाची फवारणी देखील केली आणि क्षेत्रानुसार अंतराचे नियोजन केले. पपई पिकातून आतापर्यंत दोन ते अडीच लाख रुपयांचे मिळाले आहे, जवळपास आतापर्यंत ह्या अर्ध्याच पिकांची विक्री झालेली आहे. आणखी यामध्ये चांगले उत्पादन आणि उत्पन्न होईल. त्यामुळे आम्ही 30 गुंठे क्षेत्रामध्ये समाधानी आहोत.

इंदू दवंडे या छत्रपती संभाजीनगर, खुलताबादसह चार ठिकाणचे बाजार करतात. या शेतीतून निघणारा भाजीपाला आणि पपई स्वतः विक्री करतात. त्यामुळे ही शेती अधिक फायदेशीर ठरत असल्याचे ते देखील दवंडे दाम्पत्याने सांगितले. तरुण आणि इतर शेतकऱ्यांनी देखील आंतरपीक शेती पद्धत वापरायला हवी, विशेषतः पपई पिकासाठी शेणखत आवश्यक असते. त्यामध्ये इतर पिके देखील घेता येतात. या प्रकारची शेती करायची झाल्यास खिर्डी येथे प्रत्यक्ष येऊन शेतकरी पाहणी आणि विचारणी करू शकतात त्यामुळे माहिती मिळेल व अशा पद्धतीने शेती करायला सोपे जाईल असे देखील दवंडे यांनी म्हटले आहे.