देवस्थानाच्या जमिनींबद्दल शासनाचा मोठा निर्णय! या जिल्ह्यातील शेतकऱ्यांना होणार फायदा

नाशिक : देवळाली विधानसभा मतदारसंघातील विहितगाव, बेलतगव्हाण आणि मनोली गावांतील शेतकऱ्यांसाठी मोठी दिलासादायक बातमी समोर आली आहे. अनेक वर्षांपासून सुरू असलेले देवस्थान जमिनींच्या खरेदी-विक्रीवरील निर्बंध अखेर उठविण्यात आले आहेत. आमदार सरोज आहिरे यांच्या सातत्यपूर्ण पाठपुराव्यामुळे शासनाने हा निर्णय घेतला असून, त्यामुळे या भागातील शेतकरी व जमिनमालकांना मोठा दिलासा मिळाला आहे.