जिवंत सातबारा मोहीम म्हणजे काय? कसा होणार शेतकऱ्यांना फायदा? संपूर्ण माहिती एका क्लिकवर Video

जालना : महाराष्ट्र सरकारने शेतकऱ्यांच्या सोयीसाठी जिवंत सातबारा मोहीम नावाचा एक महत्त्वपूर्ण उपक्रम हाती घेतला आहे. ही मोहीम 1 एप्रिल 2025 पासून राज्यभर राबवली जात असून, यामुळे शेतजमिनीच्या मालकी हक्कासंबंधी वारसांना होणाऱ्या अडचणी दूर होणार आहेत. महसूल विभागाने या मोहिमेची घोषणा 19 मार्च 2025 रोजी केली होती. या उपक्रमांतर्गत सातबारा उताऱ्यावर फक्त जिवंत व्यक्तींचीच नोंद असेल, ज्यामुळे मृत खातेदारांच्या नावावर राहिलेल्या जमिनींची माहिती अद्ययावत होईल. यामुळे शेतकऱ्यांना अनेक फायदे होणार आहेत. याबाबत लोकल 18 च्या प्रतिनिधीने ग्राम महसूल अधिकारी शांतीराम खरात यांच्याकडून माहिती घेतली.