Poultry care in winter : वारं बदललं, कोंबड्यांच्या आरोग्यावर होणार परिणाम, अशी घ्या काळजी, महत्त्वाच्या टिप्सचा Video

रविंद्र मेटकर हे एक पोल्ट्री व्यावसायिक आणि प्रगतशील शेतकरी आहेत. त्यांनी स्वतःच अनेक प्रयोग करून शेती आणि व्यवसाय विकसित केला आहे. हिवाळ्यात कोंबड्यांची काळजी कशी घ्यावी? याबाबत त्यांनी लोकल18 शी बोलताना माहिती दिली आहे.

पाण्यातून सुद्धा व्हिटॅमिन, मिनरल देऊ शकता. कोंबड्यांना पाणी देताना थोडं कोमट असावं याची खात्री करून घ्या. व्हिटॅमिन A, D आणि E यासाठी वॅक्सिन किंवा इतर काही पूरक सप्लिमेंट देऊ शकता. यामुळे रोगप्रतिकारशक्ती वाढण्यास मदत होते. थंडीच्या काळात ओलावा वाढतो, त्यामुळे शेड कोरडी ठेवणे अत्यावश्यक आहे. कोंबड्यांची विष्ठा दररोज काढून टाका. लसीकरण वेळेवर करून घ्या. थंडीमुळे कोंबड्यांचे पिसे गळणे किंवा अंडी देणे कमी होऊ शकते त्यासाठी आहारात प्रथिनांचा समावेश वाढवा. हिवाळ्यात योग्य तापमान, स्वच्छता आणि आहार यांची काळजी घेतल्यास कोंबड्या निरोगी राहतात आणि अंडी उत्पादनात घट होत नाही, असं त्यांनी सांगितले.