Dharashiv News : सोयाबीनवर बुरशीजन्य रोगांचा प्रादुर्भाव, सोयाबीनची पानगळ, कृषी विभागाने काय म्हटलं, VIDEO

धाराशिव : धाराशिव जिल्ह्यात यावर्षीच्या खरीप हंगामात मोठ्या प्रमाणात सोयाबीनचा पेरा झाला आहे. यावर्षीच्या खरिपात चांगल्या प्रमाणात पाऊस झाल्याने सोयाबीनचे पीक चांगले आले होते. मात्र, सुरुवातीपासूनच अळ्यांचा प्रादुर्भाव, यलो मोझॅक आणि आता तांबेरा यामुळे सोयाबीनच मोठ्या प्रमाणात नुकसान होत आहे.

सोयाबीनचे पीक सध्या शेंगा परिपक्वतेच्या अवस्थेत आहे. मात्र, तांबेरा रोगाने थैमान घातले असून सोयाबीनच्या पानांवर ठिपके दिसून येत आहेत आणि त्यानंतर कोवळ्या खोडावर कोवळ्या शेंगावरती हे ठिपके दिसून येत आहेत.

या रोगाचे शेतकऱ्यांनी वेळेत व्यवस्थापन करणे गरजेचे आहे. मात्र, हा रोग झपाट्याने वाढत असल्याने सोयाबीनची पाने पिवळी पडून पानगळ होत आहे. त्यामुळे मोठ्या प्रमाणात नुकसान होत आहे. तर अशा परिस्थितीत शेतकऱ्यांनी कृषी विभागाशी संपर्क साधावा, असे आवाहन कृषी विभागाकडून करण्यात येत आहे.