सीताफळचे फायदे आहेत खूपच, अनेकांना माहिती नसेल, आरोग्य तज्ञांनीच दिली ही महत्त्वाची माहिती, VIDEO

बीड : आरोग्यदायी जीवनशैली जगण्यासाठी नियमितपणे संतुलित आहार आपल्या शरीरासाठी अत्यंत महत्त्वाचा ठरतो. यामध्ये पालेभाज्यांसह फळांचा देखील समावेश असायला पाहिजे. बाजारामध्ये वेगवेगळ्या प्रकारची फळे आपल्याला पाहायला मिळतात. या फळांपैकी एक असणार म्हणजे सीताफळ.

सीताफळ हे फळ सगळ्यांनाच खायला आवडते. या फळाचे अनेक आरोग्यदायी लाभ आहेत. या फळाबद्दल अधिक माहिती बीड येथील आरोग्यतज्ञ अपर्णा बोरचाटे यांनी दिली.

सिताफळाचे सेवन केल्याने हृदयनिरोगी राहते आणि मधुमेहापासून आराम मिळण्यास मदत होते. त्याचबरोबर सीताफळामध्ये अधिक प्रमाणात फायबरचे प्रमाण आढळते. या फायबर्समुळे पचन संस्था तंदुरुस्त राहते आणि पोटातील गॅस, ऍसिडिटी आणि त्याचबरोबर अपचनाच्या समस्यांपासून आरामदेखील मिळतो, अशी माहितीही त्यांनी दिली.