शंकर आणि पार्वती मांडीवर बसलाय गणपती : साताऱ्यातील ही अनोखी परंपरा नेमकी काय?, VIDEO

सातारा : महादेव शिवशंकर आणि देवी पार्वतीचा पुत्र म्हणून ओळखला जाणारा गणपती सर्वांनाच हवाहवासा वाटतो. गणपती शांत देवता मानला जातो. कोणत्याही पूजेची सुरुवात गणपती पूजनाने केली जाते. महाराष्ट्रभर नव्हे तर देशभर गणरायाची प्रतिष्ठापना करून घरामध्ये गणपती बसवला जातो. मात्र, साताऱ्यातील मल्हारपेठ येथे एक वेगळीच पिढ्यान पिढ्या परंपरा चालत आली आहे. याठिकाणी शंकर, पार्वती आणि त्यांचा पुत्र गणपती या तिघांच्या एकत्रित मूर्ती घरामध्ये बसवण्याची आहे. नेमकी काय आहे ही परंपरा, याचबाबत आपण आज जाणून घेऊयात.

साताऱ्यातील मल्हारपेठ येथे शंकर, पार्वती आणि गणपती या तिघांची प्रतिकृती असलेली मूर्ती घरामध्ये बसवण्यात येते. येथील हिंदुराव तपासे यांनी याबाबत सविस्तर अशी माहिती दिली.

ढोर समाजाचे गुरू बसवेश्वर लिंगायत यांचे शिष्य कक्कया महाराजांच्या काळापासून संपूर्ण लिंगायत समाज ही महादेवाची मूर्ती बसवतात. संपूर्ण ठिकाणी फक्त गणपतीच्या मूर्तीची स्थापना केली जाते. मात्र, या समाजात महादेव मूर्तीची स्थापना केली जाते. महादेवाची मूर्ती ही शंकर पार्वती आणि गणराया या तिघांना एकत्र करून तयार केली जाते.