Crop Damage Compensation : शेतकऱ्यांना राज्य शासनाचा दिलासा! अतिवृष्टीच्या नुकसान भरपाईला मुख्य सचिवांची मंजुरी

धाराशिव : धाराशिवमध्ये मागील काही दिवसांपासून पावसाने शेतकऱ्यांचे मोठे नुकसान केले आहे. त्यामुळे शासनाने झालेल्या नुकसानाचा पंचनामा करून भरपाई द्यावी अशी मागणी शेतकऱ्यांकडून केली जात होती. याबाबत राज्याच्या मुख्य सचिवांनी पिकांच्या नुकसान भरपाईला मंजूरी दिली आहे. सध्या राज्यात विधानसभा निवडणुकीमुळे आचारसंहिता लागू आहे. यामुळे नुकसान भरपाईचे वाटप करण्यासाठी मुख्य निवडणूक अधिकारी यांची परवानगी मागण्यात आली आहे. परवानगी मिळताच नुकसान झालेल्या शेतकऱ्यांना भरपाईचे वाटप केले जाणार आहे. राज्यात सध्या निवडणुकीची रणधुमाळी सुरू आहे. 20 नोव्हेंबर रोजी मतदान पार पडणार आहे. तर 23 नोव्हेंबरला निकाल जाहीर करण्यात येणार आहे.