शेतकऱ्यांना दिलासा! सोयाबीन, मूग अन् उडीदच्या खरेदी नोंदणी प्रक्रियेला इतक्या दिवसांची मुदतवाढ, आवश्यक कागदपत्रे कोणते?

मुंबई : राज्यातील शेतकऱ्यांसाठी दिलासादायक निर्णय घेण्यात आला आहे. सोयाबीन, मूग आणि उडीद या प्रमुख हंगामी पिकांच्या हमीभाव खरेदीसाठी ऑनलाइन नोंदणीची अंतिम तारीख शासनाने वाढवली आहे. याआधी नोंदणीची अंतिम मुदत 30 नोव्हेंबर 2025 निश्चित करण्यात आली होती, मात्र शेतकऱ्यांकडून आलेल्या विनंत्या आणि तांत्रिक अडचणी लक्षात घेता आता ही मुदत 31 डिसेंबर 2025 पर्यंत वाढवण्यात आली आहे. यामुळे अजून नोंदणी न केलेल्या शेतकऱ्यांना मोठा दिलासा मिळाला असून, त्यांना एक महिना अधिक कालावधी उपलब्ध झाला आहे.