Success Story : शेतीला जोडधंदा म्हणून दूध व्यवसाय, महिन्याला शेतकऱ्याची दीड लाख उलाढाल, सांगितला यशाचा मंत्र

छत्रपती संभाजीनगर : शेतीला जोडधंदा म्हणून अनेक शेकतरी दुग्ध व्यवसाय करतात. फुलंब्री येथील साहेबराव वाघ यांनी वडिलोपार्जित म्हैस पालनाचा व्यवसाय यशस्वीपणे सुरू ठेवला आहे. त्यांनी पारंपरिक पशुपालनाला दुग्धव्यवसायाची जोड दिली आहे. वाघ यांच्याकडे जाफराबादी आणि मुरा वाणाच्या एकूण 10 म्हशी आहेत. या म्हशींमधून दररोज दूध उत्पादन घेतले जाते. सकाळी सुमारे 50 लिटर आणि संध्याकाळीही जवळपास 50 लिटर असे एकूण दूध उत्पादन 100 ते 120 लिटर इतके आहे. हे दूध ते नियमितपणे दूध डेअरीला विक्री करतात. या विक्रीतून महिन्याला सुमारे 1 लाख 50 हजार रुपयांची उलाढाल होते. तर खर्च वजा करून त्यांना 80 हजार रुपयांचा नफा मिळत असल्याचे लोकल 18 सोबत बोलताना वाघ यांनी सांगितले.