Currant Rate: बेदाणा बाजार हालला, सांगलीत उच्चांकी दर, हिरवा अन् पिवळ्या बेदाण्याचे भाव काय?

दिवाळी सुट्टीत आणि शून्य पेमेंटसाठी सांगली, तासगाव, पंढरपूर बाजारातील सौदे बंद ठेवण्यात आले होते. चालू वर्षी बेदाण्याचे भाव वाढल्यामुळे कोट्यवधी रुपयांचे येणे-देणे शिल्लक होते. पण बेदाणा असोसिएशनने शून्य पेमेंटची काटेकोर अंमलबजावणी केल्याने यंदा केवळ दहा व्यापाऱ्यांवरच बेदाणा सौद्यात बंदी घालण्यात आली असल्याची माहिती बेदाणा असोसिएशनच्या वतीने सांगण्यात आली आहे.

चांगल्या दर्जाच्या हिरव्या बेदाण्यास 360 ते 425 रुपये प्रतिकिलो प्रमाणे सर्वाधिक भाव आहे. पिवळ्या बेदाण्यास 300 ते 390 रुपये प्रतिकिलो प्रमाणे तसेच मध्यम दर्जाच्या हिरव्या बेदाण्यास 250 ते 350 रुपये प्रतिकिलो प्रमाणे बाजारभाव मिळाला. काळ्या बेदाण्यास प्रतीनुसार 140 ते 160 रुपये दरम्यान सर्वात कमी भाव मिळाला.