मंत्र्यांच्या सूचना धाब्यावर! पुरामुळे मोठं नुकसान तरी या जिल्ह्यातील शेतकऱ्यांना बँकेकडून कर्जाच्या नोटिसा

धाराशिव : राज्यात झालेल्या अतिवृष्टीमुळे लाखो हेक्टर पिकांचे नुकसान झाले असून शेतकरी आर्थिक संकटात सापडले आहेत. शेतकऱ्यांना सरकारी मदतीची प्रतीक्षा असताना त्यांच्यावर बँकांकडून कर्जवसुलीचा तगादा लावला जात आहे. धाराशिव जिल्ह्यातील संजीतपूर गावातील तब्बल २७ शेतकऱ्यांना स्टेट बँकेने कर्ज वसुलीच्या नोटिसा पाठवल्या आहेत.विशेष म्हणजे शेतकऱ्यांना नोटिसा पाठवू नये अशा सूचना मंत्र्यांकडून देखील देण्यात आल्या होत्या.मात्र त्याची दखल घेताना बँका दिसून येत नाहीये. या नोटिसा मिळाल्यानंतर गावात संतापाचे वातावरण निर्माण झाले असून शेतकऱ्यांनी संपूर्ण कर्जमाफीची मागणी केली आहे.