ना कांदा,ना सोयाबीन! करमाळ्यातील दोन भावांनी केली कमाल, या पिकातून २ महिन्यांत कमावले १२ लाख रुपये

सोलापूर : शेती म्हणजे केवळ परंपरा नाही, तर नव्या संधींचे दार उघडणारे क्षेत्र आहे, हे वांगी (ता. करमाळा) येथील दोन तरुणांनी कृतीतून दाखवून दिले आहे. जिद्द, नियोजन आणि आधुनिक तंत्रज्ञानाच्या जोरावर अवघ्या दोन महिन्यांत अडीच एकर क्षेत्रातून तब्बल १२ लाख रुपयांचे खरबूज उत्पादन घेत त्यांनी परिसरात आदर्श निर्माण केला आहे.