...तर ३० लाखांच्या दंडासह ३ वर्ष तुरुंगवास होणार! बियाणे विधेयक २०२६ काय आहे?

मुंबई : बियाणे विधेयक २०२६ संदर्भात देशभरात सुरू असलेल्या चर्चांदरम्यान केंद्रीय कृषी मंत्री शिवराज सिंह चौहान यांनी विधेयकातील तरतुदी, त्यामागील भूमिका आणि शेतकऱ्यांना होणारे फायदे सविस्तरपणे स्पष्ट केले आहेत. शुक्रवारी माध्यमांशी संवाद साधताना त्यांनी सांगितले की, हे विधेयक शेतकऱ्यांचे हित जपणारे, बियाण्याच्या गुणवत्तेवर नियंत्रण आणणारे आणि संपूर्ण व्यवस्थेत पारदर्शकता निर्माण करणारे ठरणार आहे. सध्या अनेक शेतकऱ्यांना निकृष्ट व बनावट बियाण्यांमुळे मोठ्या आर्थिक नुकसानीला सामोरे जावे लागत असून, नव्या कायद्यामुळे या समस्येवर प्रभावी उपाय होईल, असा विश्वास त्यांनी व्यक्त केला.