मक्याचे दर पुन्हा गडगडले, सोयाबीन आणि कांद्याला आज काय मिळाला भाव? Video

राज्याच्या कृषीमार्केटमध्ये आज एकूण 30 हजार 467 क्विंटल मक्याची आवक झाली. यापैकी नाशिक मार्केटमध्ये 7 हजार 394 क्विंटल मक्याची सर्वाधिक आवक झाली. त्यास मक्याच्या प्रतीनुसार कमीत कमी 1050 ते जास्तीत जास्त 1835 रुपये प्रतिक्विंटल बाजार भाव मिळाला. तसेच सांगली मार्केटमध्ये आवक झालेल्या 23 क्विंटल मक्यास 2320 ते 2390 रुपये दरम्यान सर्वाधिक बाजारभाव मिळाला.

उन्हाळी काद्यांचा हंगाम अंतिम टप्प्यात आला असल्याने बाजारातील आवक चांगली आहे. मात्र कांद्याचे दर दबावातच दिसतात. राज्याच्या मार्केटमध्ये आज 2 लाख, 53 हजार 163 क्विंटल कांद्याची एकूण आवक झाली. यापैकी 1लाख, 05 हजार 134 क्विंटल सर्वाधिक आवक नाशिक बाजारात झाली. त्यास प्रतीनुसार कमीत कमी 427 ते जास्तीत जास्त 1958 रुपयांपर्यंत बाजार भाव मिळाला. तसेच ठाणे मार्केटमध्ये आवक झालेल्या 3 क्विंटल कांद्यास सर्वाधिक 4500 रुपये बाजारभाव मिळाला.

राज्याच्या मार्केटमध्ये 1 लाख, 02 हजार 515 क्विंटल सोयाबीनची एकूण आवक झाली. यापैकी अमरावती मार्केटमध्ये सर्वाधिक 21 हजार 408 क्विंटल आवक राहिली. त्यास प्रतीनुसार 3750 ते 4260 रुपये प्रतिक्विंटल बाजार भाव मिळाला. तसेच जालना मार्केटमध्ये 17 हजार 499 क्विंटल सोयाबीनची आवक होऊन त्यास प्रतीनुसार 3425 ते 4700 रुपये सर्वाधिक बाजारभाव मिळाला.