दिलासादायक! हाहाकार माजवणारा पाऊस उघडीप देणार, IMD ने दिली मोठी अपडेट

पुणे : महाराष्ट्रात सध्या सक्रिय असलेल्या तीव्र वातावरणीय प्रणालीमुळे परतीच्या मान्सूनचा प्रवास राज्यात स्थिर झाल्याचे हवामान विभागाचे निरीक्षण आहे. साधारणपणे या काळात मान्सून पश्चिम किनारपट्टीतून सरकत उत्तर भारताकडे परततो, मात्र यावर्षी शुक्रवार, ३ ऑक्टोबरपर्यंत मान्सून गुजरातमधील वेरावळ, भरूच, मध्य प्रदेशातील उज्जैन, उत्तर प्रदेशातील झाशी आणि शहाजहानपूर या शहरांदरम्यानच्या सीमारेषेवरच अडकून राहण्याची शक्यता वर्तविण्यात आली आहे. त्यामुळे महाराष्ट्रात पुढील काही दिवस पावसाचे वातावरण कायम राहणार आहे.