Amavashya: पाडव्याच्या फाल्गुन अमावस्‍येला या 5 गोष्टींचे दान सर्वोत्तम; घरात पितृदोष उरणार नाही, अडचणी दूर

फाल्गुन अमावस्येला करायचे विशेष दान- ज्योतिषशास्त्रानुसार ग्रहांचे दोष दूर करण्यासाठी आणि पितरांच्या आशीर्वादासाठी खालील वस्तूंचे दान करणे उत्तम मानले जाते.

काळ्या तिळाचे दान - अमवास्येला पितृ तर्पणामध्ये काळ्या तिळाचा वापर मुख्यत्वे केला जातो. तसेच काळ्या तिळाचा संबंध शनि ग्रहाशी आहे. या दिवशी काळ्या तिळाचे दान केल्याने पितृदोषापासून मुक्ती मिळते आणि शनीची कृपा लाभते.

advertisement

दुर्मिळ बुधादित्य राजयोग जुळला! या 3 राशींच्या प्रगतीला नाही लागणार लगाम, भाग्याची मोठी साथ

अन्नदान - अन्नदान हे सर्वश्रेष्ठ दान मानले जाते. गरीब आणि गरजू लोकांना भोजन दिल्यास मोठे पुण्य मिळते. पितरांचे श्राद्ध-तर्पण अन्नदानाशिवाय पूर्ण होत नाही, असे मानले जाते. त्यामुळे या दिवशी शक्य तितक्या गरजूंना जेवू घालावे.

वस्त्रदान - फाल्गुन अमावस्येला गरिबांना कपड्यांचे दान द्यावे. यामुळे पितर प्रसन्न होऊन आशीर्वाद देतात. शक्य असल्यास या दिवशी काळ्या रंगाच्या वस्त्रांचे दान करणे अधिक फलदायी ठरते.

वाटतंय तितकं सोपं नाही! शनी-मंगळ-बुधाचा अस्त म्हणजे या 3 राशींवर खराब वेळ

गोदान - हिंदू धर्मात गोदान हे सर्वात श्रेष्ठ मानले जाते. पितरांच्या आत्म्याच्या शांतीसाठी गोदान करायचे असेल तर फाल्गुन अमावस्येचा दिवस अतिशय शुभ आहे. यामुळे कळत-नकळत झालेल्या पापांतून मुक्ती मिळते आणि अक्षय पुण्याची प्राप्ती होते.

दीपदान - नदी, तलाव किंवा जलाशयाच्या काठी संध्याकाळी दीपदान करण्याची परंपरा आहे. फाल्गुन अमावस्येला दीपदान नक्की करावे. या दिवशी घराच्या दक्षिण दिशेला मोहरीच्या तेलाचा चौमुखी दिवा लावावा. दक्षिण ही पितरांची दिशा मानली जाते, त्यामुळे दिवा लावल्याने त्यांचे मार्गदर्शन आणि आशीर्वाद मिळतात.