प्रबोधिनी एकादशीला कुठे दिवे लावायचे -
तुळशीच्या झाडाजवळ पाच दिवे लावा - आर्थिक लाभ मिळविण्यासाठी आणि तुमच्या मनातील इच्छा पूर्ण करण्यासाठी, प्रबोधिनी एकादशीला संध्याकाळी तुळशीच्या झाडाजवळ पाच तुपाचे दिवे लावा.
घरातील देव्हाऱ्यात दिवा लावा - प्रबोधिनी कार्तिकी एकादशीला पती-पत्नीने मिळून भगवान विष्णू आणि देवी लक्ष्मीसाठी घरातील देव्हाऱ्यात तुपाचा दिवा लावावा. यामुळे घरात शांती आणि समृद्धी राहील.
advertisement
घराच्या ईशान्य कोपऱ्यात दिवा - कार्तिकी एकादशीच्या दिवशी पूजा केल्यानंतर घराच्या ईशान्य कोपऱ्यात तिळाच्या तेलाचा दिवा लावल्याने सर्व त्रास दूर होतात आणि धन प्राप्त होते, असे मानले जाते.
दारात दिवा लावा - प्रबोधिनी एकादशीच्या दिवशी संध्याकाळी घराच्या मुख्य प्रवेशद्वारावर दिवा लावावा. यामुळे घरात सुख, समृद्धी आणि सकारात्मकता येते.
धनत्रयोदशीच्या आधीपासूनच या 3 राशींचे भाग्य चमकणार; दुहेरी लाभाचे योग जुळले
पिंपळाच्या झाडाखाली दिवा लावा - प्रबोधिनी एकादशीच्या संध्याकाळी पिंपळाच्या झाडाखाली तुपाचा दिवा लावल्यानं ब्रह्मा, विष्णू आणि शिव यांचे एकाच वेळी पूर्ण आशीर्वाद मिळतील आणि जीवनातील संकटे दूर होतील.
कार्तिकी एकादशीला तुळशीचे उपाय -
तुळशीची पूजा - कार्तिकी एकादशीला तुळशीची पूजा करा आणि श्रृंगाराच्या वस्तू अर्पण करा. असं केल्यानं देवी लक्ष्मी प्रसन्न होईल आणि तुम्हाला धन-समृद्धीचा आशीर्वाद देईल. पण, एकादशीच्या दिवशी तुळशीला कधीही पाणी अर्पण करू नये.
श्री हरी विष्णूला तुळशीची पाने अर्पण करा - कार्तिकी एकादशीला आदल्या दिवशी तोडलेली तुळशीची पाने भगवान विष्णूंना अर्पण करावीत, बनवलेल्या नैवेद्यात ती समाविष्ट करा. यामुळे श्रीहरी प्रसन्न होऊन तुमच्या घराला आशीर्वाद देतील.
लाल कापडात तुळशीची पानं घालून - आर्थिक लाभासाठी कार्तिकी एकादशीच्या एक दिवस आधी तुळशीची पाने तोडून लाल कापडात बांधा. एकादशीच्या पूजेदरम्यान ती श्री हरीला अर्पण करा. पूजा केल्यानंतर लाल कापडात बांधलेली पाने तुमच्या पर्समध्ये किंवा पैसे ठेवलेल्या ठिकाणी ठेवा. त्यानं कुटुंबात आनंद नांदेल.
घटस्थापनेपासून सुरू होणारा आठवडा कोणासाठी लकी? सर्व 12 राशींचे साप्ताहिक राशीफळ
(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)